öhemm

best að ræskja sig
jæja góðir hálsar: mín er orðin arkítekt.
þessu var fagnað með góðri veislu og mjúkum laxi. hérmeð þakka ég kærlega fyrir mig.
annars lítið að frétta nema atvinnuleysið og staka.

Ef ykkur langar til að fylgjast með lokaverkefninu, klikkið hér. Nýjar myndir af Tobi hér.

Hvur er pervert?

Jæja. Ég var klukkuð af tónskáldinu.
Ætli ég verði þá ekki að blogga í anda hans?

1. Mest kynæsandi er víðlesinn karlmaður að halda fyrirlestur. Turn off eru karlmenn sem eru vondir fyrirlesarar (má sem dæmi nefna arkítektinn Jean Nouvel, verri fyrirlesara hef ég aldrei hlustað á).

2. Eins og tónskáldsins, er uppáhalds drykkur minn kaffi. En bara ef það er gott kaffi. Og helst klukkan sjö á morgnanna.

3. Það versta við að vera góð í einhverju er að ég verð smám saman hrokafyllri. Og það versta við að aðrir séu lélegri en ég í einhverju er að þeir fá minnimáttarkennd.

4. Kardemommubærinn er sá allsvæsnasti heilaþvottur fyrir yngri kynslóðina. Og þegar maður fer að hugsa út í það, er hann orðinn svo gamaldags, að hægt væri að selja hann til Ameríku.

5. Ítölsk vinkona mín, búsett á Spánni tilkynnti mér það á tsjattinu að það væri búið að banna mótmælagöngur í Danmörku og að það væri allt morandi hér í nýnazistum. Þetta hafði hún lesið í grein í spænsku dagblaði. Þetta þýðir líklega að óvinsælasta atvinnugreinin nú til dags er ta-taaam: TÚLKUR!

Good morning, good afternoon aaaaand goodnight!

Øppdeit

- Margar nýjar myndir á síðunni hans Tóbí
- Ef einhvern vantar dvergpáfagauka, værsgo og spis
- Erum á leið til Íslands 1. júlí í þrjár vikur, þar á eftir til Hundested á ströndina í viku
- Er að vinna að frústrerandi samkeppni með einum arkítekt, tveimur félagsfræðingum og einum landafræð- og mannfræðingi
- Á að skila prógrammi fyrir lokaverkefnið í miðjum ágúst
- Held ég sé búin að fá prófessorinn til að taka mig að sér
- Og Tobias byrjar í vuggestue 1. ágúst

That´s all folks.
Go sommer!

Fyrsta þrumuveður sumarsins og annað smotterí

Ólíkt Sigrúnu Gísla miða ég sumarkomuna ekki við grill, heldur þrumuveður. Í gær var einmitt fyrsta þrumuveður sumars, stundvíslega klukkan kortér yfir eitt. Ég var hjólandi á leið í skólann, átti að mæta þar hálf tvö, og lenti þess vegna svona skemmtilega í duttlungum veðurguðanna. Það svoleiðis stóð demban niður, að ég hefði alveg eins getað farið í sturtu. Það er ekki í frásögur færandi að ég varð blaut inn að beini og þurfti að vera berfætt á fundinum.

Til að bæta við grámyglu femínista má ég til með að deila með ykkur sögu úr kóngsins (drottningarinnar) Kaupinhafn. Nú er svo mikið rætt um komandi barn krónprinsins og sveitastúlkunnar frá hinum enda jarðarinnar, því ef svo vill til að stúlkubarn fæðist, þá er ekki vízt að hún sé komandi drottning fyrr en öll börn eru fædd hjónakornunum. Í lögunum stendur nefnilega að drengsbarn hafi fyrstarétt til krúnunnar. Flestum hér í landi (á mínum aldri) þykir þetta heldur gamaldags. Hins vegar eru ráðandi þingmenn ekki sammála því þeir nenna ekki að standa í því að breyta lögunum eða yfirleitt tala um málið fyrr en barnið er fætt (Anders Fogh sagði að "þetta væri svo mikið mál" - je ræt). Allavega var verið að tala um þetta í útvarpinu um daginn og þá kom einhver af eldri þingmönnum og sagði að honum finndist svona lagabreytingu ekki koma til greina því að "það væri svo erfitt að vera konungur, að honum myndi ekki detta það í hug að leggja það á herðar stúlku"!!! Talandi um gamaldags hugsunarhátt. Ég hefði getað skilið hann ef þetta væri sjötti áratugurinn, en þetta finnst mér of mikið á því herrans ári tvöþúsundogfimm (sakniði ekki tékkheftanna? -sú var tíðin!).

Við B. keyptum okkur miða til Íslands í gærkvöldi. Ég segi ekki annað en: það er dýrt að ferðast á miðjum degi (allt fyrir Tobba litla). Njótið þess að vera barnlaus (það er að segja ef þið eruð barnlaus).

Og að lokum, góðar fréttir gott fólk: Tobias er farinn að sofa aftur á nóttunni. Jibbí!